بھجنگاسن

کردار

اس آسن میں جسم کی ہیئت  پھن اٹھائے ہوئے سانپ جیسی بنتی ہے اس لئے اس کو بھجنگاسن یا سرپاسن (سنسکرت : بھجنگسن) کہا جاتا ہے۔
بھجنگا، جس کو انگریزی میں کوبرا کہتے ہے اور چونکہ یہ دکھنے میں پھن پھیلائے ایک سانپ جیسا پاسچر (آسن) بنتا ہے اس لئے اس کا نام بھجنگاسن رکھا گیا ہے۔ اس کے لئے پیٹ کے بل زمین پر لیٹ جائیں۔ اب دونوں ہاتھ کے سہارے جسم کی کمر سے اوپری حصے کو اوپر کی طرف اٹھائیں، لیکن کہنی آپ کی مڑی ہونی چاہئیے۔ ہتھیلی کھلی اور زمین پر پھیلی ہو۔ اب جسم کے باقی حصے کو بغیر  ہلائے-ڈلائے چہرے (بغیرحرکت کیے) کو بالکل اوپر کی طرف کریں۔ کچھ وقت کے لئے اس پاسچر (آسن/طریقہ/ڈھب) کو یوں ہی رکھیں۔
اس آسن  سے ریڑھ کی ہڈی مضبوط ہوتی ہے۔ اور پیٹھ میں لچیلاپن آتا ہے۔ یہ آسن  پھیپھڑوں کی پاکیزگی کے لئے بھی بہت اچھا ہے اور جن لوگوں کا گلا خراب رہنے کی، دمے کی، پرانی کھانسی یا پھینپھڑوں سے متعلق دیگر کوئی بیماری ہو، ان کو یہ آسن کرنا چاہئیے۔ اس آسن  سے پتے کی سرگرمی بڑھتی ہے اور نظام_ہاضمہ  کے نرم  پٹھے مضبوط بنتے ہیں۔ اس سے پیٹ کی چربی گھٹانے میں بھی مدد ملتی ہے اور عمر بڑھنے کی وجہ سے پیٹ کے نچلے حصے کی پٹھوں/عضلہ کو ڈھیلا ہونے سے روکنے میں مدد ملتی ہے۔ اس سے بازوؤں میں طاقت ملتی ہے۔ پیٹھ میں واقع ایڑا اور پنگلا نبضوں پر اچھا اثر پڑتا ہے۔ بالخصوص، دماغ  سے نکلنے والے نظام علم طاقتور بنتے ہے۔ پیٹھ کی ہڈیوں میں رہنے والی تمام خرابیاں دور ہوتی ہے۔ قبض دور ہوتا ہے۔ اور بواسیر میں بھی فائدہ پہنچاتا ہے۔

بھجنگاسن کا طریقہ

1. کسی ہموار  اور صاف جگہ پر کمبل یا چٹائی بچھا لیجئے۔ اس کے بعد پیٹ کے بل لیٹ جائیں اور دونوں پیروں کو ایک دوسرے سے ملاتے ہوئے بالکل سیدھا رکھیں۔
2. پیروں کے تلوے  اوپر کی طرف اور پیروں کے انگوٹھا آپس میں ملاکر رکھیں۔ دونوں ہاتھوں کو کہنی سے موڑ‌کر دونوں ہتھیلیوں کو سینہ کے بغل میں فرش پر ٹکاکر رکھیں۔
3. اب گہری سانس لےکر سر کو اوپر اٹھائیں، پھر گردن کو اوپر کی طرف اٹھائیں، سینے کو اور پھر پیٹ کو آہستہ آہستہ اوپر اٹھانے کی کوشش کیجئے۔
4. سر سے ناف تک کا جسم ہی اوپر اٹھنا چاہئے اور ناف کے نیچے سے پیروں کی انگلیوں تک کا حصہ زمین سے یکساں طور پر سٹا رہنا چاہئیے۔
5. پیٹ کے بل سیدھا لیٹ جائیں اور دونوں ہاتھوں کو پیشانی کے نیچے ٹکائیں۔
6. دونوں پیروں کے پنجوں کو ساتھ رکھیں۔
7. اب پیشانی کو سامنےکی طرف اٹھائیں اور دونوں بازوؤں کو کندھوں کے متوازی رکھیں جس سے جسم کا وزن بازو پر پڑے۔
8. اب جسم کے اگلا حصہ کو بازوؤں کے سہارا اٹھائیں۔
9. جسم کو اسٹریچ کریں اور لمبی سانس لیں۔
10. پھر گردن کو تانتے ہوئے سر کو آہستہ آہستہ زیادہ سے زیادہ پیچھے کی طرف اٹھانے کی کوشش کیجئے۔ آنکھیں اوپر کی طرف ہونی چاہئے۔
11. سرپاسن پورا تب ہوگا جب آپ کے جسم  کمر سے  اوپر کا حصہ  سر، گردن اور سینہ کی سانپ کے پھن کی طرح اٹھائے جائیں گے۔
12. پیٹھ پر  نیچے کی طرف کولھوں  اور کمر کے جوڑ پر  زیادہ کھینچاؤ  یا زور معلوم پڑنے نے لگےگا۔ ایسی صورتحال میں اوپر کی طرف دیکھتے ہوئے  چند سیکنڈ  تک  سانس کو روکئے۔
13. اس کے بعد سانس چھوڑتے ہوئے پہلے ناف کا اوپری حصہ،  پھر سینے اور دماغ زمین پر ٹکائیں اور بائیں گال پر زمین کو لگاتے ہوئے جسم کو ڈھیلا چھوڑ دیجئے۔
14. اس صورتحال میں کچھ دیر رک کر دوبارہ اس عمل کو  کیجئے۔ سرپاسن کو شروعات میں تین مرتبہ کیجئے  اور بعد میں اس کو بڑھا کر پانچ دفعہ کیجئے۔ اس آسن کو کرنے سے پہلے سر کو پیچھے لے جا کر 2 سے 3 سکینڈ تک روکئے اور اس کو  مشق کے بعد 10 سے 15 سیکنڈ تک انتظار کیجئے۔
15. ایک ہی بار میں سانس نہیں بھریں گے بلکہ آسن کرتے ہوئے آہستہ آہستہ سانس بھریں گے۔ آہستہ آہستہ سانس بھرنا شروع کریں اور پہلے سر کو اٹھائیں، گردن کو پیچھے کی طرف موڑیں۔
16. اسی طرح، سانس بھرتے جائیں۔ پیٹھ کے پٹھوں کا زور لگاتے ہوئے آپ کندھے بھی اٹھایئے، ہتھیلیوں پر تھوڑا دباؤ رکھتے ہوئے سینہ اور ناف تک کا وزن اٹھانا چاہئے۔
17. تمام حالت  میں ناف کو زمین سے 30 سینٹی میٹر اوپر اٹھنا چاہئے۔ زیادہ نہیں ورنہ کمر بھ اٹھ جائے گی۔
18. 18.اس صورتحال میں عام طور پر کہنی سیدھی نہیں ہو گی۔  ایسا مؤثر طریقے سے کرنا بھی نہیں چاہئے ورنہ  کندھا اوپر کی جانب اٹھ  جائے گا۔ آخری صورتحال میں کندھے کی جانب کھنچنا چاہئے اور آسمان کی جانب دیکھنا چاہئے۔
19. 19.اس حالت میں سانس رکی رہے گی  اور کمر کے نچلے حصہ پر کھینچاؤ آئے گا جسے آپ محسوس کرپائیں گے۔ اس صورتحال میں، آپ چند لمحہ یعنی 3-4 سیکنڈ  تک ہی رک پائیں گے۔
20. 20.آہستہ آہستہ سانس چھوڑتے ہوئے پہلے ناف زمین سے سٹائیں گے، پھر سینہ، اس کے بعد کندھا اور سب سے آخر میں سر زمین سے سٹائیں گے۔
21. 21.سانس کو ہلکا کر لیں اور ممکنہ حد تک آپ اسے پانچ مرتبہ دوہرا سکتے ہیں۔ ہر عمل کے بعد تھوڑا آرام بھی کر سکتے ہیں۔

بھجنگاسن کے فائدے

1. سرپاسن بےڈول کمر کو  پتلی اور متناسب اور دلکش بناتا ہے۔
2. آسن  سینہ چوڑا کرتا ہے، اور اس کو روزانہ کرنے سے لمبائی بڑھتی ہے۔
3. سرپاسن موٹاپے کو کم کرتا ہے۔
4. سرپاسن کرنے سے جسم کی تھکاوٹ  بھی دور ہو جاتی ہے۔
5. اس آسن کو کرنے سے جسم خوبصورت اور  بےفکر بنتا ہے۔
6. اس آسن  سے پیٹ سے متعلق کئی سنگین  بیماریوں سے بھی راحت ملتی ہے۔
7. خواتین میں حیض  کی بےقاعدگی، حیض کی تکلیف کے ساتھ آنے کے لئے فائدہ مند ہوتا ہے۔
8. یہ آسن  کمر اور  ریڑھ کو پتلا اور لچیلا اور سینہ کو چوڑا کرتا ہے۔
9. یہ آسن  آپ کے مسلس کے لئے کافی فائدہ مند ہے۔
10. نظام دوران خون کو تیز کرتا ہے۔
11. قبض، بدہضمی اور ریاحی خرابی  دور ہوتی ہیں اور بھوک بڑھتی ہے۔
12. جسم میں طاقت اور چستی میں اضافہ کرتا ہے۔
13. عورت کی بچہ دانی کو مضبوط کرتا ہے۔
14. یہ آسن ریڑھ کی ہڈی کو مضبوط کرتی ہے۔ اور پیٹھ میں لچیلا پن آتا ہے۔
15. یہ آسن پھیپھڑوں کی پاکیزگی کے لیے بھ بہت اچھا ہے اور جن لوگوں کا  گلا خراب رہنے کی، دمے کی، پرانی کھانسی یا پھیپھڑوں سے وابستہ دیگر کوئی بیماری ہو، ان کو یہ آسن کرنا چاہئے۔
16. اس آسن سے  پتہ  کی سرگرمیاں بڑھتی ہیں اور نظام ہاضمہ کے نرم پٹھوں کو مضبوط بناتا ہے۔
17. اس سے پیٹ کی چربی گھٹانے میں بھی  مدد ملتی ہے اور عمر بڑھنے کے سبب پیٹ کے نچلے حصے کے پٹھوں کو ڈھیلا ہونے سے روکنے میں مدد ملتی ہے۔
18. اس سے بازوؤں میں طاقت ملتی ہے۔ پیٹھ میں واقع ایڑا اور پنگل نبضوں پر اچھا اثر پڑتا ہے۔ بالخسوص، دماغ سے نکلنے والے نظام علم طاقتور بنتے ہیں۔
19. پیٹھ کی ہڈیوں میں رہنے والی تمام خرابیاں دور ہوتی ہیں۔
20. قبض دور ہوتا ہے۔ اور بواسیر میں بھی فائدہ ہوتا ہے۔
21. کمر درد کو دور کرنے میں رام بان ہے بھنجگ آسن۔ سلپ ڈسک کو ٹھیک کرنے میں بھی مددگار ہیں۔
22. ریڑھ میں کڑاپن دور کرتا ہے۔ اس طرح دماغ اور جسم کے درمیان بہتر تال میل بنا رہتا ہے۔ دماغ سے آنے والی لہریں جسم کے ہر حصہ میں بغیر رکاوٹ کے پہنچتا ہے۔
23. ریڑھ، کمر اور پیٹھ کے پٹھوں میں کھینچاؤ آنے سے دماغ اور جسم میں دوران خون بھی اچھے ڈھنگ سے ہونے لگتا ہے۔
24. یہ آسن عورتوں کی خوبصورتی کو بڑھاتا ہے۔
25. آنتوں میں چپکے ہوئے پاخانہ خودبخود باہر نکل جاتے ہیں۔
26. مائگرین کا درد کم کرتا ہے سرپاسن

دھیان دینے لائق باتیں

1. اس آسن کو کرتے وقت اچانک پیچھے کی طرف بہت زیادہ نہ جھکیں۔ اس سے آپ کے سینہ یا پیٹھ کے پٹھوں  میں کھینچاؤ آ سکتا ہے اور بازو اور کندھوں کے پٹھوں میں بھی زور  پڑ سکتا ہے جس سے درد پیدا ہونے کا امکان بڑھتا ہے۔
2. پیٹ میں کوئی بیماری یا پیٹھ میں بےحد  درد ہو تو یہ آسن نہ کریں۔
3. ہرنیا کے مریض کو یہ آسن نہیں کرنا چاہئیے۔
4. حاملہ خواتین کو یہ آسن  نہیں کرنا چاہئیے۔
5. بھجنگاسن اور پیچھے جھکنے والے آسن پیٹک السر، ہرنیا اور ہائپر تھائیراڈیم کے مریضوں کو کسی  پےپٹک علسر، ہرنیا اور ہائیپر تھائیراڈئم کے مریض کو کسی یوگا ماہرین  کی دیکھ ریکھ  میں ہی کرنا چاہئے ورنہ نہیں۔
6. اس کے علاوہ پیٹ میں زخم ہونے پر، خصیہ اضافہ میں، ریڑھ کے درد کا شکار ہونے پر، السر ہونے پر اور کولائٹس والے مریضوں کو بھی یہ آسن نہیں کرنا چاہئے۔
7. سرپاسن تھوڑا مشکل آسن  ہے۔  اس لئے : اس کو کرتے وقت جلدبازی نہ کریں۔

ترئک بھجنگاسن

بھجنگاسن کی مشق جب پورا ہو جائے تبھی ترئک بھجنگاسن کرنا چاہئے۔

ترئک بھجنگاسن کا طریقہ

1. بھجنگاسن اور ترئک بھجنگاسن میں تھوڑا فرق ہے۔ جیسے ترئک بھجنگاسن میں دونوں پیروں میں ڈیڑھ فٹ کا فرق ہوتا ہے اور پیروں کو انگلیوں کے بل کھڑا کرکے رکھتے ہیں۔
2. سر اور گردن کو پیچھےکی طرف نہیں موڑتے ہیں بلکہ سامنےکی طرف دیکھتے ہوئے کندھے، سینہ اور ناف کو اوپر کی طرف اٹھاتے ہیں، سانس بھرتے ہوئے۔
3. کچھ لمحہ کے لئے سانس روکیں اور سر بائیں طرف گھمائیں اور دائیں پیر کی ایڑی کو دیکھنے کی کوشش کریں۔ اس حالت میں بائیں کندھے سے لےکر دائیں کمر تک ایک ترچھا کھینچاؤ آپ محسوس کریں‌گے۔
4. اس کے بعد بغیر رکے گردن سیدھی کریں اور سر کو دائیں طرف موڑئے  اور بائیں ایڑی کو دیکھنے کی کوشش کریں۔ بغیر رکے گردن سیدھی کریں، سامنےکی طرف دیکھیں اور سانس چھوڑتے ہوئے ابتدائی حالت میں واپس آ جائیں۔
5. کچھ پل بال شین آسن میں آرام کریں اور نفس-سانس کو برابر کر لیجئے۔ ترئک بھجنگاسن آپ تین سے پانچ بار دوہرا سکتے ہیں۔

ترئک بھجنگاسن کے فائدے

1. ترئک بھجنگاسن کرنے سے بھجنگاسن کے تمام فائدے ملتے ہیں۔ اس کے علاوہ بھوک بڑھتی ہے اور قبض دور ہوتا ہے۔
2. یہ پیٹ کے تمام عضو لیور، گردہ وغیرہ کی سرگرمیوں کو بنائے رکھتا ہے۔ تھائرائیڈ گانٹھ جو گلے میں ہے، اس کی کے قوت عمل کو معمول پر لانے کے لئے بھی یہ معاون ہے۔
3. اس آسن  سے کمر درد دور ہوتا ہے۔ خاص کر کمر کے نچلے حصے کی کشیدگی کو یہ کم کرتا ہے۔ پیٹھ کے پٹھوں  کی قوت بڑھاتا ہے اور ریڑھ کا کڑا پن دور کرتا ہے۔

دھیان دینے لائق باتیں

1. بھجنگاسن کا مکمّل مشق ہونے کے بعد ہی ترئک بھجنگاسن کریں۔
2. پیپٹک السر، ہرنیا اور ہائپر تھائیراڈئم کے مریض کو کسی  یوگ ماہرین کی دیکھ_بھال میں ہی یہ آسن کرنا چاہئے ورنہ نہیں۔

ماخوذ : یوگ وگیان، وکپیڈیا۔